Kaleko Elkartasun eta Kultur Elkarteak antolatuta, azoka solidarioa egingo dute bihartik asteartera Merrkatu plazan, 10:30etik 14:30era. Ohi bezala, bigarren aukerako liburuak, diskoak eta bestelako materialak jarriko dituzte salgai. Era berean, herritarrek etxetik ekarritakoak ere jasoko dituzte, erabiltzaile berrien esku jartzeko.
Kaleko Elkartasun eta Kultur Elkartearen helburua da kulturaren bidez bazterketa ekonomikoan dauden pertsonei laguntzea. Azoka hauetatik lortzen duten dirua kausa horretara bideratzen dute.