Iazko arrakasta berretsi zuen atzo arratsaldean Kaiolatik Winter Seriesen bigarren edizioak. Frontoi Txiki eta bere aurreko plaza atari zabaleko dantzaleku handi bihurtu zen, non herritar ugari bertaratu zen Elektropeña eta Rubio disko jartzaileek giroitu zuten jaialdiaz gozatzera.
Hasieran batean, jendeari kostatu egin zitzaion pixka bat berotzea, baina behin lotsak galduta, gustura aritu ziren dantzan. Antolatzaileak gustura agertu dira jasotako harrera onarekin, eta pena apur bat ere azaldu dute, momenturik onenean amaitu behar izan zutelako jaialdia. Gainerakoan, adin tarte guztietako herritarrak hurbildu ziren frontoira –guraso, haur, heldu eta gazte jendea–, eta giro polita sortu zen.