Barakaldoko (Bizkaia) hilketa matxista salatzeko, Zarauzko Mugimendu Feministak deitutako mobilizazioarekin bat egin zuten hainbat herritarrek atzo arratsaldean. Indarkeria matxistari erantzun. Autodefentsa feminista! idatzita zeraman pankartaren atzean, ordu laurdenez elkarretaratu ziren Lege Zaharren Enparantzan.
Bilkuraren amaieran, mugimendu feministak elkartasuna adierazi zien indarkeria matxistaren azken biktimaren senideei, lagunei eta gertukoei. Gogorarazi zuten "sistema heteropatriarkal zuriaren gertakari bat gehiago" izan dela eta oso nazkatuta daudela.
"Jakin badakigu hilketa matxistak indarkeria matxistaren ondorio lazgarriuenak direla. Baina gizonek emakumeak estrukturalki zapaltzen dituzte, eta, hainbat dira emakumeok jasaten ditugun zapakuntzak", gaineratu zuten. Horrelako erasoen aurrean, autodefentsa feminista aldarrikatu zuten.