Udako Kaiolatik musika elektronikoaren jaialdi ezagunak neguko segida izan zuen iaz estreinakoz, eta Frontoi Txikin ospatu zuten Kaiolatik Winter Series izenburupean, Jon Peñagarikano Elektropeñaren ekimenez eta Arraio irratiarekin lankidetzarekin. Estreinako ekitaldian Elektropeña bera aritu zen pintxatzen, eta berarekin batera, Azkoitiko Munizio izan zen.
Neguko saioa oparoa izan zela eta frointoia jendez bete zela ikusita, aurten errepikatzea erabaki dute. Hala, bihar arratsaldean Frontoi Txikin bertan Kaiolatik Winter Seriesen bigarren aldia ospatuko dute. Oraingo honetan ere Elektropena ariko da soinu mahaian, "luze eta zabal aritzea gustuko" duelako, kartelean iragarri duten arabera, eta baita Rubio ere. Honen kasuan, "pilota arin eta bihurriak" maite omen ditu.
Jaialdia 18:00etan hasiko da eta 21:00era arte luzatuko da.