Euskadiko Harri Handien Txapelketa jokatuko da bihar Asteasuko Usarrabi pilotalekuan, 18:00etatik aurrera, eta bertan lehiatuko da Jokin Eizmendi zarauztarra, Sergio Mielgo madrildarrarekin eta Gari Garmendia idiazabaldarrarekin batera.
Eizmendi bost bider izan da Euskadiko txapeldun (2014, 2015, 2018, 2021 eta 2022) eta beste sei aldiz txapeldunorde (2013, 2016, 2017, 2019, 2020 eta 2024). Joan den azaroa Zizurkilen jokatutako Gipuzkoako Txapelketan Garmendia nagusitu zitzaion, beraz, arantza kendu eta txapela irabazteko gogoz irtengo da plazara.
Harri handien lehiaz gain, Estefania Etxebesteren marka ahalegina ere ikusgai izango da Asteasun. Iturengo harri jasotzaileak Idoia Etxeberria oriotarraren markara hurbildu nahi du, eta horretarako 150 kiloko harria errektagukarra jasotzen saiatuko da.