Gipuzkoako Ostalaritza Elkarteak antolatuta, Aitzol Zugasti sukaldariak showcooking erakustaldia eskainiko du bihar Merkatu plazan. Eraikineko lehen solairuan izango da sukaldaritza saioa, 12:00etan hasita, eta txef nahiz aholkulari gastronomiko hernaniarra zuzenean ariko da bertaratzen direnen aurrean kozinatzen eta azalpen praktikoak ematen.
Gabonak gainean diren honetan, sasoi hauetarako aproposak izan daitezke menu proposamenak aurkeztuko ditu, bertako produktuekin eginak. Egitasmo hau Zarautzen ez ezik, Zumarragan ere aurrera eraman du; atzo eguerdian izan zen hango merkatuan. Showcooking-erako sarrera doakoa da, eta ez da aurrez izenik eman behar.