Imanol Urbieta Udal Musika Eskolak antolatuta, Kale Jira Txikia egin dute gaur goizean. Eguraldia lagun, baserritarrez jantzi dira eskolako ikasleak, eta kalez kale ibili dira, Gabonetako abestiak kantatzen eta dantzatzen.
Hori horrela, trikiti, pandero eta gitarra jotzaileen laguntzarekin, musika eskolan hasi dute ibilbidea, eta bertatik abiatuta, tren geltokiko pasabidea zeharkatu dute Amalur parkera iristeko. Geldialdiaren ostean, Paxoko pasabidetik Lege Zaharren enparantzara joan dira, eta bertan azken emanaldia eskaini dute, hainbat herritarrez inguratuta.