Hogeigarrenak ez du hutsik egin. Sekulako giroan ari dira jokatzen Kuraia Fight Klub Zarautz taldeak antolatutako EH K-1 kickboxing jaialdia. Aritzbatalde pilotalekua goraino bete da, eserleku ia guztiak jarraitzaileek hartu ondoren. Faboritoak faborito, jarraitzaileek sutsuki babestu dituzte kirolari guztiak, txalo eta animo oihu artean.
Guztira, hamahiru borrokaldi jokatuko dituzte gaur arratsaldean zehar, pisu eta kategoria ezberdinetakoak. Parte hartzen ari diren borrokalarietatik zortzi dira zarauztarrak (horietako bost Kuraia Zarautz taleko kideak). Jaialdi klasikoa da gaur arratsaldekoa, eta sarrerek ere horrela erakutsi dute, aurrez salgai jarritako guztiak agortu baitziren.