46. Bikote Mistoen Krosa jokatuko dute bihar Zarauzko kaleetan barrena, 11:00etan; ondorioz, lasterketak irauten duen bitartean, zenbait kale itxiko dituzte ibilgailuentzat. Zarautz Rugby Taldeak antolatu du proba, eta dagoeneko 700 bikotek eman dute izena.
Alde batetik, 10:00etatik 12:30era bitartean, zirkulazioa moztuta egongo da Araba kalean, Gurmendi eta Zelai Ondo artean. 10:45etik 12:30era, berriz, Bizkaia kalean Urdaneta eta Hegoalde arteko zatia egongo da itxita. Aitze kalean, Justo eta Bizkaia arteko zatia egongo da moztuta. Gainera, ordu horietan itxita egongo dira Justo, Mitxelena, Zelai Ondo, Gipuzkoa eta Foruen kaleak.