Unibertsitateko irakasle, kazetari eta idazle Imanol Murua Uriak Biba gorriac! liburua kaleratu berri du, Pamiela argitaletxearen babesean. 1886tik 1894ra euskaraz landutako informazioari erreparatu dio zarauztarrak, eta, batez ere, euskarazko prentsa modernoaren aitzindaritzat jotzen den Le Reveil Basque (1886-1894) astekarian ondutako albisteak eta kronikak.
Horrez gain, Eskualduna (1887-1944) eta Californiako Eskual Herria (1893-1898) aldizkarietako informazioak ere jaso ditu bere lanean.
Ondorioz, XIX. mende bukaerari buruz Paueko erredakziotik egin zituzten kontakizunetan oinarritutako lana da Muruak argitaratu duen liburua.