Olatz Salvador musikariak bere ibilbideko hirugarren diskoa aurkeztuko du bihar, Modelo aretoan. Zainak eman izenburupean, hamar abesti berrik osatzen dute donostiarraren azken lana.
Soinu organikoak eta elektronikoak uztartzen dituen albuma da, hain zuzen. Salvador, ordea, ez da bakarrik igoko oholtzara. Izan ere, alboan izango ditu Ander Zulaika zarauztarra, baterian; Jagoba Salvador, baxuan; Esti Beraza, teklatuan; eta Mattin Saldias zarauztarra, gitarra jotzen.
Emanaldia iluntzeko 20:00etan hasiko da, eta sarrerak dagoeneko agortuta daude.