'Enarak' dokumentala aurkeztuko dute gaur 19:30etan, Modelo aretoan, hain zuzen ere. Beñat Iturrioz zuzendaria bertan izango da eta solasaldia eskainiko du taldearen historia eta prozesu filmikoa kontatzeko.
Filmak azaltzen du nola, 1967. urtean, diktadura frankista betean, askatasun egarri ziren seminarista batzuek Enarak taldea sortu zuten. Garaiko jendeartean oraindik arrotzak ziren pop, rock eta psikodelia estiloak jotzen zituzten euskaraz. Ehundaka kontzertu eman ondoren, 1971an desagertu ziren, betirako.
50 urte ondoren, abeslariaren semea, Beñat Iturrioz, taldearen aztarnen bila aritu da labirinto filmiko batean murgilduz.