Zarauzko Argazkizale Elkarteak Ramon Serras 33. Nazioarteko Argazki Mostra antolatu du, eta bihar irekiko ditu ateak, ohi bezala, Sanz Enea kultur etxeko erakusketa aretoan.
Urtero-urtero, sona handiko artisten lanak paratzen ditu egitasmoak, eta aurten ere argazkigintzaren arloan ibilbide nabarmena egiten ari diren lau egile gonbidatu dituzte beren lanak erakustera: Ana Abrao argazkilari eta idazle brasildar-portugaldarra, Estibalitz Beristain debarra (Gipuzkoa), Iñaki Bolunburu gasteiztarra eta Marina Martinez.
Mostraren irekiera 18:00etan izango da, eta urtarrilaren 25era arte bisitatu ahal izango da; egunero, 18:00etatik 20:00etara. Halere, tarte horretan, abenduaren 24, 25 eta 31n eta urtarrilaren 1ean eta 6an itxita egongo da, jai egunak baitira.