Zarautz Trik elkarteak antolatuta, Zarautz Trik Jaialdiaren bosgarren edizioa ospatuko dute hilaren 14ean. Oholtza gainean izango dira elkarteko ikasleak, 18:30ean hasita, Modelo aretoan.
Zarautz Trik elkarteko kidea den Aratz Olaizolak adierazi duenez: "Jalgi Dantza Taldekoen laguntza izango dugu kantu batzuetan". Honez gain, aurten kontzerturik egongo ez dela azpimarratu du, ikasleek egin duten lana izango baita jaialdiko erdigunea.
Sarrerak doan izango dira, aretoko edukiera bete arte. Gainera, Zarautz Trik boletoen zozketa ere bertan egingo dela adierazi du Olaizolak.