Tolosako 56. Abesbatza Lehiaketarekin elkarlanean eta Zarauzko Udaleko Kultura sailaren laguntzarekin, Zarautz Abesbatzak Nazioarteko Ahotsak zikloaren beste edizio bat antolatu du. Zikloko azken emanaldia izango da gaur, Santa Klara elizan, eta Letoniako Anima Solla abesbatza osatzen duten sei ahotsek izango dute entzuleak alaitzeko ardura.
Anima Solla Letoniako emakumezko a cappella abestalde bat da, 1998an Marite
Purina musikako irakasle, zuzendari eta abeslari ohiak sortua. Taldea 6 kidek osatzen
dute. Gainera, Letoniako konpositore garaikideen musika interpretatzea da beren helburu nagusia.
Emanaldia 19:00etan izango da, eta sarrerak kontzertua hasi baino ordubete lehenago izango dira eskuragai, eliz atarian, bost euroan; Zarautz Abesbatzaren lagunentzat, berriz, hiru euro balioko du sarrerak.