Malekoiko pasealekuan zoladura berritzeko lanak hasi dituzte jada. Zehazki, Galtxagorri elkartearen aurrean eta Eguzki-Loretik Musikaria aurreraino doan zatian hasi dituzte obrak. Orotara, kilometro erdi inguruko lurra aldatuko du Zarauzko Udalak, Madoz kaletik Lizardi kaleraino.
Horrez gainera, Matxitxako, Higer eta Lizardi kaleetako jaitsieretan ere lurra aldatuko dute. Zoladura berria hormigoi koloreztatuko gainazal laua izango da, eta lanak Estudio y Obras Rekalde SL enpresa ari da egiten. 478.542,61 euroko (BEZ barne) kostua izango dute lanek, eta hiru hilabete eta erdian amaituta egotea aurreikusi dute.