Zarauzko Udalak diruz lagunduko ditu 2025eko udan euskara ikastaroak burutu dituzten herritarrak. Interesa dutenek urriaren 10era arte izango dute eskakizuna egiteko aukera, Zarauzko Udaleko Herritarren Arreta Zerbitzuan (HAZ) edota telematikoki.
Erakundeak jakitera eman duenez, diru laguntza eskatu nahi duten herritarrek bi baldintza bete beharko dituzte: diru laguntzaren xede den ikastaroak irauten duen bitartean Zarauzko udalerrian erroldatuta egotea eta ikastaroan eskainitako orduen %80 betetzea, gutxienez.
Hori horrela, eskaera Herritarren Arreta Zerbitzuan egin nahi dutenek 07:30etik 15:00etara izango dute horretarako aukera, astelehenetik ostiralera; ostegunetan, berriz, 08:30etik 14:30era eta 16:30etik 19:00etara izango da zabalik.