Agustín Díaz Yanes zinegilearen Un fantasma en la batalla filma aurkeztu dute gaur Donostiako Zinemaldiko Sail Ofizialean, baina lehiaketik kanpo. Bertan elkartu dira pelikulan parte hartu duen lantaldea, eta Susana Abaitua, Raúl Arévalo eta Ariadna Gil aktore ezagunen artean, Iraia Elias zarauztarra ere bai. Argazkilarien aurrean paratzeaz gain, komunikabideei lan berriaren nondik norakoak azaldu dizkiete.
ETAren aurkako ezkutuko operazio handienean inspiratuta dagoen pelikula hau Basoilarraren Filmak ekoitzi du eta Netflix plataformaren babesa du; erakundean infiltratu zen emakumezko guardia zibil baten istorioa kontatzen du. Urrian estreinatuko dute zinema aretoetan, eta ondoren, Netflixen egongo da ikusgai.
