Irati Laburu artista donostiarraren lanak ikus daitezke Ipar kaleko Lukas ardotegian. In visible izeneko erakusketa zabaldu berri du, eta irailaren 27ra arte egongo da bisitatzeko aukera.
Labururen hitzetan, "apaltasuna" da nagusi bilduman, "edertasun oso fin eta berezia azaleratzen uzten duelarik". Zera gehitu du: "Irudiak bere iraunkortasuna bilatzen du argi-itzalen artean jolastuz, izaera partzialki azaleratuz. Lorearen zati txiki bat ezkutatuta dago, ikusleari amaitu gabeko irudia osatzeko aukera emanaz. Ikusi ezin dena ikusgai bihurtzen da".