Arranopola kultur egitasmoaren barruko azken kontzertuaz gozatzeko aukera izango da etzi, osteguna, Arranon. Ekiza & Xak bikoteak eskainiko du zikloaren barruko azken emanaldia, 20:00etan hasita.
Kontzertu berezia izango da Jurgi Ekizak eta Paxkal Irigoienek eskainiko dutena; izan ere, azken asteetan kontzertu bira bat egin dute belaontziz, eta Zarautzen egingo dute bira agurtzeko azken geldialdia. Itsasun (Lapurdi) hasi zuten ibilbidea, abuztuaren 14an, eta jarraian Pontevedra (Galizia), Donostia, Pasaia eta Bermeon izan dira, besteak beste.