Zarautz Bihotzekin lasterketa eta martxa jokatuko dituzte aurten ere Itxasmendiko San Migel jaietan. Hilaren 28an jarri dute hitzordua, eta bertan izena eman nahi dutenek zabalik dute jada izena emateko aukera. Urtero legez, dortsalen bitartez lortutakoa bihotzeko arazoak dituzten haurrei laguntzeko erabiliko dute.
Buztinzuri kaleko atletismo pistan abiatuko dituzte lasterketa zein martxa: 4,5 kilometroko ibilbidea egin behar dute lehenengoek, eta 3,5 kilometrokoa bigarrengoek. Horrez aparte, 0 dortsala ere eskuratu daiteke diru bilketan lagundu nahi izanez gero.
Hori hala, lasterketan izena eman nahi dutenek lotura honetan egin dezakete, eta martxan parte hartu nahi dutenek, berriz, honetan. 0 dortsala hemen eskura daiteke.