Haurrentzako 'Mugi zaitez' antzezlana eskainiko du Txulalai konpainiak

Intza Trula 2025ko abu. 26a, 09:00

Txulalai taldeko kideak. (Txulalai)

Musika, dantza eta jolasa uztartzen dituen ikuskizun didaktikoa da Mugi zaitez. Etzi, osteguna, eskainiko dute emanaldia, Santa Klara komentuan.

Antzerkia Familian programaren barruan, dantza musika eta jolasa uztartzen dituen Mugi zaitez ikuskizuna eskainiko du Txulalai konpainiak. Etzi jarri dute hitzordua, 19:00etan, Santa Klara komentuan, eta doako sarrerarekin.

Alai egun osoan dago telefono mugikorrarekin okupatuta, baina Miel eta Xaba lagunak, Peru krokodiloa eta Martin elefantea beraien abestien bitartez gailua alde batera utzi eta haiekin jolastera animatzen saiatuko dira.

Txulalai konpainia Kantu Kolore taldearen barruan sortu zuten, musika, dantza eta jolasa uztartzen jarraitzeko helburuarekin, haurrak modu didaktikoan entretenitzeko. 

Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide