Dozenaka lagunek bisitatu dute Outlet Azoka lehen orduetan

Intza Trula 2025ko abu. 21a, 13:45

Murkil Zarauzko Dendarien Elkarteak antolatutako Outlet Azokak gaur du lehen eguna. Zenbait saltokik malekoian jarri dute salmenta postua, eta beste hainbatek negozioaren atarian egin dute.

Eguraldiak askorik lagundu ez badu ere, dozenaka pertsona bertaratu dira gaur goizean malekoira, Outlet Azoka bisitatu eta zer edo zer erostera. Murkil Zarauzko Dendarien Elkarteak antolatu du beste urte batez ekimena, herritarrek produktuak ohi baino prezio merkeagoan eskuratu ahal izan ditzaten.

Malekoian, Galtxagorri elkartearen aurrean, jarri dute merkealdien postua zenbait negoziok, eta dendaren atarian egitea erabaki dute beste hainbatek. Gaurtik igandera arte egongo da zabalik azoka, 11:00etatik 21:00etara, eta bertaratzen direnek arropa, osagarriak, jostailuak, oinetakoak eta bestelakoak eskuratzeko aukera izango dute.

Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide