Ekoizle nafarren produktuak herritik mugitu gabe erosteko aukera dute herritarrek eta bisitariek gaur. Izan ere, urtero bezala, nafar produktuen azoka egiten ari dira Zarauzko erdigunean, Musika Plazan eta Kale Nagusian, Nafarroatik Hondartzara izenburupean.
Azokak 10:00etan zabaldu ditu ateak, eta egun osoan zehar egongo dira zabalik postuak. Askotariko jakiak ari dira eskaintzen: eztia, gozokiak, barazkiak kontserban, txorizoa, gazta eta patxarana, besteak beste. Baita ukenduak eta egurrezko sukalderako tresnak ere.