Joan den asteburuan, abuztuaren 2an eta 3an, Minbiziaren Aurka Gipuzkoan elkarteak diru bilketa egin du Zarautzen, minbizia duten pertsonei babesa emateko eta ikertzen jarraitzeko baliabideak eskuratzeko helburuarekin.
Herritarren dohaintzei esker, minbiziaren %70eko bizirautea eskuratu dutela adierazi dute; izan ere, 6.000 eurotik gora bildu dituzte. Boluntarioei, gainera, eskerrak eman dizkie elkarteak haien parte hartzeagatik.
Diru bilketak izandako emaitza onuragarriak tarteko, ikertzaileekin, osasun langileekin, boluntarioekin, psikologoekin eta gizarte langileekin konpromisoa hartuko duela adierazi du elkarteak. Halaber, ikerketa onkologikorako dirua biltzeaz eta minbizia duten pertsonei babesa emateaz ere arduratuko dira.