Osteguneko Arranopolan, Ur musika taldearen kontzertua

Aiora Arriola 2025ko abu. 5a, 10:24

UR musika taldeko kideak. (Utzitakoa)

Arratsaldeko 20:00etan hasiko da Arranopola egitasmoko seigarren emanaldia, Arrano taberna kanpoko agertokian.

Ur Azkoitian sortutako funk, disco eta indie estiloak uztartzen dituen musika taldea da. Hirukotea aritzen da abestiak lantzen, eta kontzertuak ere eskaintzen dituzte hainbat agertokitan. Urtzi Azkue da taldeko ahots nagusia; euskaraz zein ingelesez abesten du, eta gitarra jotzeaz ere arduratzen da. Jontxu Larrañagak, berriz, baxua jotzen du, eta koroetan ere parte hartzen du; Markel Corralek, aldiz, bateria eta samplerra maneiatzen ditu. Hiru musikarien arteko elkarlanak estilo bizi eta dantzagarriak sortzen ditu, Ur taldearen nortasunaren oinarri bihurtuz.

Azken hilabetean, gainera, beren bigarren diskoa argitaratu dute: Barrenak Husten. Horren harira, Ur musika taldeak kontzertua emango du datorren ostegunean, Zarauzko Arrano tabernako kanpoko agertokian. Emanaldia Arranopola egitasmoko seigarren saioa izango da, eta arratsaldeko 20:00etan hasiko da.

Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide