Zaporraren Oroimenezko gazteen pilota txapelketa jokatu zuten estreinakoz atzo arratsaldean. Hain zuzen ere, finalerdiak jokatu zituzten pilotari gazteek, Zarauzko Frontoi Txiki pilotalekuan.
Lehen partidan Bidezabal-Olano eta Etxepare-Alvarez bikoteak lehiatu ziren aurrez aurre, eta lehen bikoteak aise irabazi zuen norgehiagoka, 22-5 emaitzarekin amaituta.
Jarraian, Karrera-Artola eta Aranda-Oiartzabal bikoteen txanda izan zen. Lehia estuagoa izan zen bigarrena, baina azkenean Karrera eta Artola nagusitu ziren azken txanpan, eta 22-12 emaitzarekin amaitu zuten partida. Hortaz, Bidezabal-Olano eta Karrera-Artola bikoteak jokatuko dute Zaporraren Oroimenezko gazteen pilota txapelketako finala, abuztuaren 7an. Egun berean jokatuko dute ere helduen finala.