Iaz bezala aurten ere, Danda Gazte Asanbladak Udanda egitasmoa antolatu du oporraldian hainbat ekimenez gozatezeko, eta atzo arratsaldean egitarauko hirugarren jarduera egin zuten: herriko artisten erakusketa.
Eguraldia lagun, Santa Klarako zelaian muntatu zituzten artisten postuak, jardina modako diseinuekin, argazkiekin, ilustrazioekin edota poemekin apaindurik. Guztira herriko hamar artistek erakutsi zituzten beraien lanak, hala nola Maria Arriolak (argazkilaritza), DARRK diseinatzaileak (moda), aialockek (bitxiak), Paula Arriolak (ilustrazioa), Josu Larreak (pintura), Joakim Iparragirrek (argazkilaritza), Yunek (ilustrazioa), niKKindak (poltsak), Unai Alberdik (argazkilaritza) eta Ramon Elizondok (argazkilaritza).
Arratsaldea biribiltzeko, poesia errezitaldia ere eskaini zuen Hiruputzu gaztetxeko Uhera irakurle taldeak.