Indarra eta goxotasuna uztartzen dituen erakusketa da 'Zaharrak berri', eta Arkami galerian bisitatu ahal izango da aurki. Manu Urbieta sortzaile zarauztarrarena da sorta, eta urteetan zehar mimoz bildutako eta eraldatutako altxorrek osatzen dute.
Hori horrela, eskulturez zein margolanez osatutako bilduma bisitatzera joan nahi dutenek, uztailaren 16an, 19:00etatik aurrera, izango dute horretarako aukera, Kale Nagusiko erakusleihoaren atzean, Arkami arte galerian.