Zarauzko Ipeme enpresako beharginek lan baldintzak hobetzea lortu dute, Gipuzkoako metalaren hitzarmen kolektiboa aplikatuta. ELAk jakinarazi duenez, uztaila bada ere, 2025eko urtarrilaren 1etik aurrera aplikatuko diete hitzarmena.
Dena den, orain arte aplikatu zaien hitzarmeneko (Gipuzkoako metalaren merkataritzaren hitzarmena) zenbait puntu mantenduko dituzte, sinatu berri duten hitzarmenekoak baino baldintza hobeak jasotzen dituztelako.
Aurrerantzean, beharginek 1.695 lan ordu egingo dituzte urtean (lehen baino 28 ordu gutxiago) eta antzinatasun plusa jasoko dute. Gainera, KPIaren urteko soldata igoerari eta kontingentzia komunen eta profesionalen osagarriei %100ean eutsiko diete.
Zortzi langile ditu Ipeme lantegiak, eta Abenadoño industrialdean dauka egoitza. ELA sindikatuak zorionak eman dizkie langileen, baldintzak hobetzeko antolatu egin direlako.