Uda sasoiaren atarian eta eguraldi ona baliatuz, kontzertua emango du Udaberri abesbatzak herritarrentzat. Ostiralean izango da, 11:00etan, San Pelaio ermitan, eta abesbatza Patxi Azkarateren gidaritzapean egongo da.
Ordea, Udaberrirena ez da aste honetarako antolatutako kontzertu bakarra izango; izan ere, Zizurko (Nafarroa) Erreniega abesbatzak ere emanaldia eskainiko du Zarautzen. Igandean izango da azken hori, 13:15ean, Frantziskotarren komentuan.
Hori hala, Udaberri Jubilatuen Elkarteak herritar guztiak animatu ditu kontzertuetara gerturatu daitezen eta piezez gozatu dezaten.