Lortu dute. Hirugarren mailako taldea izango da datorren denboraldian Ur Bare ZKE taldea, Getxori penaltietan irabazi ondoren (5-4).
Goraino bete da Astiko futbol zelaia, eta ez da gutxiagorako izan, igoera jokatzen baitzuen gaurkoan ZKEko futbol talde nagusiak. Partida estua izan da, urduritasuna ere nabaria zen bertan, baina partidak iraun duen bitartean zarauztarrek ez dute lortu bizkaitarren atean golik sartzerik.
Beraz, penaltietan jokatu dute guztia. Fin ibili dira bi taldeak, baina zarauztarrek penaltietako bat gelditzea lortu dute, 3-2 zihoaztenean. Beraz, abantaila hori baliatu behar izan du etxeko taldeak hainbeste amesten zuten igoera lortzeko. Asti osoa adi-adi zegoenean iritsi da behar zuten bosgarren gola, eta oihu eta besarkada artean ospatu dituzte igoerako lehen momentuak bertan zeuden kirolari eta zale guztiek.