Aidean boleibol taldea Gipuzkoako txapelduna da bigarren urtez jarraian. Emakumezkoen jubenil mailako taldeak larunbatean jokatu zuen final handia, Donostiako Bera Bera talde indartsuaren aurka: partida bikain baten ostean, 3 eta 1 gailendu zen Cristiana Hardmanen taldea.
Hain justu, Aritzbatalde kiroldegiko kantxan jokatu zuten partida, eta bi taldeek maila altua erakutsi zuten hasiera-hasieratik. Neurketa bizia izan zen, eta horrek urduri mantendu zituen harmailetan bildu ziren ikusle guztiak partidaren amaierara arte.