Giro ederrean ari dira jokatzen Gipuzkoako Bola eta Toka Txapelketa, Zelai Ondoko bolatoki berrian. Goizean goiz abiatu dute lehia, eta, guztira, 36 bolari eta 25 tokalari ari dira jokatzen bertan.
Hain justu, Zelai Ondoko Bol&Tok Kirol Klubak eta Gipuzkoako Bola eta Toka federazioak elkarlanean antolatu dute txapelketa, eta ondorengo hirietako eta herrietako jokalariak parte hartzen ari dira: Donostia, Lasarte, Urnieta, Hernani, Ereñotzu, Villabona, Ibarra, Segura, Zerain, Gabiria, Legazpi eta Zarautz.