Erakustaldi ederra eman zuen Eulen-Nuuk taldeak iragan asteburuan Bidasoako Itzulian. Jokatu ziren hiru etapetatik bi irabazi zituen, Charlie Meredith txirrindulari ingelesari esker; lehen eguneko Hondarribiko erlojupekoa eta hirugarren eguneko Hendaia-Irun etapa.
Itzulia, ordea, Cortizo taldeko Marc Torresek irabazi zuen, bera izan baitzen hiru egunetako lasterkaririk erregularrena; Meredithek bigarren bukatu zuen lau segundo eskasera, eta podiuma Finisher taldeko Unai Ramosek osatu zuen, hirugarren postuan.
Taldelanaren garrantzia azpimarratu dute Eulen-Nuuk taldetik, eta, halaber, erdietsitako beste lorpen bat ere nabarmendu dute. Hain justu ere, Igor Iriartek sailkapeneko lehen gipuzkoarraren saria jaso zuen.