Osasuna eta Hizkuntza. Bi noranzko dituen bidea

Askotan gurutzatzen dira hizkuntza eta osasuna, osasuna eta hizkuntza. Felix Zubia mediku zarauztarrari bere iritzia eskatu diogu horretaz guztiaz aritzeko eta hitzaldi batekin erantzungo digu.

Felix Zubiaren hitzetan "Osasunaz eta hizkuntzaz ari garenean, askotan hizkuntza eskubideen aldetik lantzen da gaia. Hau da, herritarrak bere hizkuntzan arreta jasotzeko daukan eskubideaz. Baina bada beste ikuspegi bat, aurrekoa bezain garrantzitsua edo garrantzitsuagoa, eta da kalitatezko arreta jasotzeko eskubidea daukagula. Ezinezkoa delako inori kalitatezko osasun arreta eskaintzea, bere ama hizkuntzan ez bada."

Hori guztia patxadaz jorratzeko aukera izango dugu apirilaren 10ean.