Igandean egingo dute Igerain erreka garbitzeko auzolana

Intza Trula 2025ko api. 3a, 09:00

Igerain erreka eta inguruan egindako garbiketa saioa iaz. (Jabi Gonzalez Toston)

Martxoaren 16an ziren egitekoak auzolana, baina atzeratu egin zuten. Parte hartzaileak 10:00etan elkartuko dira, anbulatorioaren aurrean.

Igerain errekan eta inguruetan pilatuta dagoen zaborra garbitzeko auzolana egingo dute igande honetan, Eraztun Berde Urdinak antolatuta. Martxoaren 16rako zegoen aurreikusita hitzordua, baina antolatzaileek ekimena atzeratzea erabaki zuten.

10:00etan anbulatorioaren aurrean elkartuta, Igerain errekara joan eta zaborra jasotzea, Crocosmia x crocosmiiflora bezalako landare exotiko inbaditzaileak kentzea eta hainbat zuhaitz landatzea da asmoa.

Hori hala, parte hartu nahi duen orok izena eman beharko du aurretik, zarautz@eraztunberdeurdina.eus helbidera idatzita edota 943-00 51 59 zenbakira deituta.

Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide