Villa Nuria eraikinaren birgaitze eta moldaketa lanak amaituta, Zarauzko Udaltzaingoa egoitza berrira lekualdatu da eta handik emango ditu bere zerbitzuak gaurtik aurrera. Gipuzkoa kaleko dorrearen behealdean urte luzez egon ostean, Nafarroa kaleko 23an izango da orain.
Aurrerapauso handia eman dute, baliabideak areagotuz eta, hala, herritarrei eskaintzen zaien arreta eta zerbitzua hobetuz. Harremanetarako bideak hauek dira: 943-00 51 15 telefono zenbakia eta udaltzaingoa@zarautz.eus helbidea.