Erabilgarri dago jada Torre Luzeako parkearen zabalkuntza berria. Lanak amaituta, jada kendu dituzte ekialdeko eremu hori babesteko jarrita zeuden hesiak, eta, guztira, 216 metro karratu gehiago ditu orain parkeak.
Inmobiliaria Oriok San Frantzisko kaleko 15. zenbakian eraiki duen hamazazpi etxebizitzako eraikinari esker gauzatu dira lan horiek. Obra horien harira, Talleres Renault enpresaren eraikin zaharra eta San Frantzisko kaleko 11. finkaren frontoiaren pareta altuak eraitsi dira, orain arte Torre Luzeako parkearen muga ezartzen zutenak.
Gainera, obrei esker, Turismo Bulegoaren atzealdeko patiotik Torre Luzea parkera sarbide bat ahalbidetu dute.