Hiruputzu gaztetxean festa izango da larunbat honetan, musika eta lagun giroa protagonista izanik. Izan ere, bigarren urteurrena ospatuko du gaztetxeak, eta horretarako arratsaldetik hasi eta ordu txikietara arteko egitaraua prestatu dute.
Hori hala, dantza erakustaldia, Elektrotxandaka eta kontzertuak prestatu dituzte festara batu nahi duen orok goza dezan. Halaber, afaltzeko aukera ere egongo dela aurreratu dute antolatzaileek. Karibeko apaingarriekin joateko deia egin dute Hiruputzuko kideek.
Egitaraua:
- 18:00. Dantza erakustaldia eta Mojitoa Frontoi Txikin.
- Jarraian, Elektrotxandaka Gaztetxera.
- 22:00. Gaztetxearen irekiera.
- Ondoren, kontzertuak: Mi Buenaventura (cumbia) eta DJ Bon.