Zarata Zarautz kolektiboak antolatuta, hiru kontzertu izango dira gaur iluntzean Hiruputzu gaztetxean. 21:00etan hasita, Nafra, Urgull eta Dishonor taldeek emanaldi bana eskainiko dute han.
Nafra talde katalanak 2019. urtean hasi zuen bere ibilbidea, eta, nagusiki, punk doinuetan oinarritutako abestiak jotzen ditu. Urgull taldea osatzen duen hirukoteak, berriz, crust estiloa du protagonista bere emanaldietan, eta Dishonor talde greziarrak crust iluna taularatuko du.