Zarauzko Udalak herriko eraikin publikoetako argiak ordubetez itzaliko ditu gaur arratsaldean, klima aldaketaren aurkako Planetaren Ordua ekimenera batuz. Hain zuzen ere, Adena WWF (World Wide Fund for Nature) Gobernuz Kanpoko Erakunde ekologistak abiatu zuen ekimen hori 2007an.
Hala, 20:30etik 21:30era arte Santa Maria la Real parrokiako, San Frantzisko elizako, Torre Luzeko eta Sanz Eneako argiak itzalita egongo dira. Halaber, aldaketaren parte izateko deia luzatu die udalak herritarrei, ordu tarte horretan etxeetako argiak itzaliz.
Ekimenaren inguruko informazio gehiago nahi dutenek honako lotura honetan aurki dezakete.