Zarautz Palestina herri ekimenak palestinarren alde antolatu du gaurko ekintza. Lege Zaharren Enparatzan elkartu dira 12:00etan. Herritar ugari bertaratu dira ekimen honetan parte hartzera. Bertan, performance bat egin dute. Oinetakoak bildu eta lurrean margoturik zeuden pertsonen silueten gainean jarri dituzte.
Ondoren, antolatzaileek eta herritarrek elkar eskutik heldu, eta borobil handi bat egin dute. Armen eta bonben soinuak entzun dira, egoera larriaren aurrean, guztiak kontzientziatzeko.