Pagoeta Mendizale Elkarteak ibilaldia eta bazkaria antolatu ditu hilaren 22rako, larunbata.
Parte hartzaileek 09:08an Zarauztik Usurbilera (Gipuzkoa) doan trena hartuko dute, eta behin bertara iritsita, Orioraino oinez joango dira. Hala era guztiz ere, ibilbidea eguraldiaren arabera moldatuko dutela jakinarazi du Pagoetak. Halaber, auto bat ere jarriko dute egun horretan, txangoaren amaieran arropaz aldatu nahi dutenen motxilak eramateko. Autoak 08:50etik aurrera jasoko ditu motxilak.
Txangoa amaitzean indarrak berreskuratzeko bazkaria egingo dute, Orioko Antilla jatetxean. Izena emateko azken eguna hilaren 18a izango da, eta horretarako aukera egongo da Mendizabal dendan. Izena ematerakoan 30 euroko bermea utzi beharko da.