Narros jauregia eta moila lotzen dituen pasalekuan baranda berriak jartzen ari dira. Zarauzko Udalak abenduan abiatu zituen zaharkitutako barandak aldatzeko lanak, Borghetto inguruan, eta, orain, Narros eta moila bitartekoak aldatzen ari dira.
Hain zuzen ere, udalak iazko maiatzean esleitu zizkion barandaren produkzio eta instalazio lanak Casting of Facilities, Utilities & Diversity S.L. enpresari, 517.275 euroko aurrekontuarekin (BEZ barne).
Hori hala, orotara 500 metro baranda inguru ordezkatuko dira bi gune horietan. Udalak azaldu zuenez, baranda berriak "kobre eta burdin gutxiko aluminio aleazioaz eginda daude, itsas bazterrean agertzea hain ohikoa den herdoila ekiditeko".