Gabonetako oporraldia gerturatzen ari da, eta dagoeneko jakinarazi dute egun horietarako prestatutako 42. Haurren Gabonetako Hamabostaldiaren egitaraua. Aspertzeko tarterik ez dute izango denbora horretan; izan ere, abenduaren 21etik urtarrilaren 3ra bitartean askotariko jarduerak prestatu dituzte Haur Kultur Taldeak eta Zarauzko Udalak elkarlanean.
Hala, ez dira faltako ohiko ekintzak: ur jolasak, haur parkea eta pailazoen emanaldia, esaterako. Porrotx, Marimotots, Pupu eta Lore pailazoen emanaldi berriaren bi saio izango dira abenduaren 30ean Aritzbatalde kiroldegian, eta sarrerak abenduaren 16tik aurrera eskuratu ahal izango dira Andatza kafetegian. Sarrera guztiak salduko ez balira, emanaldiaren egunean kiroldegiko leihatilan, 15:00etatik aurrera, jarriko dituzte salgai. Sarreren inguruko informazio gehiago eskuratzeko haurkulturtaldea@gmail.com helbidera idatzi daiteke.
Egitaraua
- Abenduak 21, larunbata. Haur jolasak eta txistorrada Musika Plazan. -
- Abenduak 27, ostirala. Gabonetako Haur Parkea irekiko da Aritzbatalde kiroldegian. Bertan, gaztelu puzgarriak (0-7 urte) eta jolasak frontoian (8-12 urte) izango dira.
- Abenduak 28, larunbata. Gabonetako Haur Parkea irekiko da Aritzbatalde kiroldegian. Bertan, gaztelu puzgarriak (0-7 urte) eta jolasak frontoian (8-12 urte) izango dira.
- Abenduak 26, osteguna. Dibertsitate funtzionala duten haurrentzat irekiko dute Aritzbatalden Haur Parkea,16:30etik 19:0etara.
- Abenduak 30, astelehena. Porrotx, Marimotots, Pupu eta Lore pailazoen emanaldi berriaren bi saio izango dira Aritzbatalde kiroldegian, 16:00etan eta 18:30ean.
- Urtarrilak 2, osteguna. Ur jolasak Aritzbatalde kiroldegian. Haurrak laguntzarik beharko balu ekintza honetarako jarri harremanetan antolatzaileekin haurkulturtaldea@gmail.com helbidera idatzita.
- Urtarrilak 2, osteguna. Txu-Txu trena kalez kale 11:00etatik 13:30era eta 16:30etik 19:00era.
- Urtarrilak 3, ostirala. Txu-Txu trena kalez kale 11:00etatik 13:30era eta 16:30etik 19:00era.