Igandean, abenduaren 8an, Bola eta Toka Eguna ospatuko dute Zelaiondoko bolatoki berrian. Zelaiondoko Bol&Tok kirol klubak eta Gipuzkoako Bola eta Toka Federazioak elkarlanean antolatu dute eguna, eta 09:30ean ekingo diote egitarauari, bola eta toka tiraldiekin. Infantilen, jubenilen eta beteranoen mailako txapelketak jokatuko dituzte 11:00ak bitartean, eta gero, 14:00etan, bazkaria egingo dute Itxas-Berri jatetxean. Horrez gainera, Jexux Atorrasagasti eta Antonio Lertxundi omentzeko baliatuko dute eguna.