Eraztun Berde Urdinak herriko talde batekin elkarlanean antolatuta, Iritako hezegunean landare arrotzak eta inbaditzaileak kentzeko elkarlana egingo dute etzi, igandez, 10:00etan hasita. Jakitera eman dutenez, hitzorduan parte hartu nahi dutrenek aurrez izena eman beharko dute zarautz@eraztunberdeurdina.eus helbidera idatzita edo 943-00 51 59 telefonora deituta.
10:00etatik 12:30era bitartean jardungo dute hezegunea garbitzen, eta jarraian hamaiketakoa egingo dute.
Hala, antolatzaileek oinetako egokiak eramatea gomendatu dute –landareak kentzeko tresneria bertan emango diete parte hartzaileei–.