Zelai Ondoko Jai Batzordeak egitarau biribila osatu du aurtengo jaiak ospatzeko. Ez ziren falta atzo urteroko parrillada eta erromeria, aurten Bide Batez taldearen eskutik eskainia. Festek gaur ere jarraituko dute, txikienentzat puzgarriak eta Haize-Orratz Gaztelekuaren eskutik antolatutako Gazte Gunea izango dira gaur arratsaldean pistan. Bolatokia eta toka ere irekiko dituzte Bol&Tok taldearen eskutik; haurrek 17:00tik 18:00ra bitartean jokatuko ahalko dute; gazteek 18:00tik 19:00ra bitartean; eta helduek, aldiz, 19:00tik 20:00ra bitartean.
Gauean herriko parrillada egingo dute bolatokian 19:30ean hasita, eta gerturatzen direnek DJ Dávilaren saioa entzun ahalko dute, 20:00tik 22:00ra bitartean. Gauean ere ez da musika faltako, egunari amaiera emateko, gaurkoan Fan&Go taldearen txanda izango da pista gorria girotzeko.