Urteko lehen hilabetea amaitzeko, gaixotasun neurodegeneratiboak eta aldez aurreko dolua hizpide dituen hitzaldia izango da bihar. Zarauzko Udalak antolatutako hitzordua da, Zarautz Herri Zaintzailea taldearekin eta Afagi elkartearekin batera. Iñaki Peña mediku paliatibista eta Zarautz Herri Zaintzailea taldeko kideak emango ditu azalpenak, euskaraz nahiz gaztelaniaz.
19:00etan izango da, Modelo aretoan, eta sarrera doakoa dela jakinarazi dute. Gaiari buruz informazio gehiago nahi duenak Afagi elkartera deitu dezake 943-29 71 18 zenbakira, edo afagi@afagi.eus helbidera idatzi.